Din ishlari bo‘yicha qo‘mitasi huzuridagi Diniy-ma’rifiy sohada malaka oshirish va qayta tayyorlash institutining Samarqand mintaqaviy filialida 3-davra malaka oshirish o‘quvlari bo‘lib o‘tmoqda.




Malaka oshirayotgan imom-xatiblar va imom noiblarining kasbiy salohiyatini yuksaltirish, bilim va amaliy ko‘nikmalarini mustahkamlash hamda ta’lim jarayonining samaradorligini oshirish maqsadida 2026-yil 18-noyabr kuni Hadis ilmi maktabi rektori, tarix fanlari bo‘yicha falsafa doktori (PhD), dotsent B.Amonov tomonidan “Imom-xatiblarga xos bo‘lgan fazilat va sifatlar” mavzusida mahorat darsi tashkil etildi.
Dars davomida tinglovchilarga notiqning odoblari, fazilatlari va sifatlari, o‘zini tutish va kiyinish madaniyati, gavda va qo‘l harakatlari, diniy soha xodimlarining kasb va axloq etikasi, minbar, marosim va uchrashuvdagi suhbatlar, mavzu va manba tanlash mahorati, shuningdek tinglovchilarni o‘ziga jalb qilish uslublari borasidagi muhim masalalarning asosiy jihatlari tushuntirildi.
Mahorat darsi davomida ishtirokchilar mavzu yuzasidan fikr almashib, amaliy misollar asosida o‘z bilim va ko‘nikmalarini mustahkamladilar.
