Diniy-ma’rifiy sohaning mas’ul xodimlari bilan uchrashuv

O‘zbekicton xalqaro islom akademiyasi huzuridagi 

Malaka oshirish markazining Samarqand viloyati mintaqaviy filialida diniy-ma’rifiy sohaning  mas’ul xodimlari bilan bo‘lib o‘tgan uchrashuv haqida 

MA’LUMOT

O‘zbekiston xalqaro islom akademiyasi huzuridagi Malaka oshirish markazining Samarqand viloyati mintaqaviy filiali professor-o‘qituvchilari, xodimlari va tinglovchilari ishtirokida doimiy ravishda diniy-ma’rifiy sohaning mas’ul xodimlari bilan ma’naviy-ma’rifiy uchrashuvlar, davra suhbatlari o‘tkazib kelinmoqda. 

Xususan, mintaqaviy filialga 2024-yil 6-dekabr kuni O‘zbekiston musulmonlari idorasi raisi o‘rinbosari Muhammadolim Muhammadsiddiqov, Din ishlari bo‘yicha qo‘mitaning mas’ul xodimi Elyor Alimqulov va Hadis ilmi maktabi rektori Barot Amonovlar amaliy tashrif bilan keldilar. Tashrif dasturi doirasida mintaqaviy filial faoliyati bilan yaqindan tanishishdilar va professor-o‘qituvchilar hamda tinglovchilar ishtirokida ilmiy ma’rifiy mavzuda davra suhbati bo‘lib o‘tdi. 

Suhbat davomida siyosiy fanlar doktori, professor Muhammadolim domla Muhammadsiddiqov so‘nggi yillarda yurtimizda amalga oshirilayotgan ijobiy o‘zgarishlar, har bir sohadagi yangiliklar va imkoniyatlar, ayniqsa diniy sohaga yaratilayotgan ijobiy o‘zgarishlar haqida batafsil ma’lumot berib o‘tdi.

Shuningdek, tinglovchilarga yangi ilmlarni egallashda ushbu imkoniyatlardan unumli foydalanishlari zarurligi haqida kerakli ko‘rsatmalarni berildi.

Davra suhbati davomida tinglovchilar o‘zlarini qiziqtirgan savollari bilan murojaat qildilar va bu borada bilim-ko‘nikmalarga ega bo‘ldilar.