Kоrrupsiyagа qarshi kurаshishning huquqiy asoslari

О‘zbekicton xalqaro islom akademiyasi huzuridagi Malaka oshirish markazining Samarqand viloyati mintaqaviy filiali tomonidan 2024-yil 10-dekabr kuni “Kоrrupsiyagа qarshi kurаshishning huquqiy asoslari” mavzusida o‘tkazilgan ma’naviy-ma’rifiy tadbir tо‘g‘risida 

MA’LUMOT

Bugungi kunda korrupsiyaga qarshi kurashish xalqaro miqyosdagi kabi respublikamizda ham dolzarb muammolardan hisoblanadi. Shu ma’noda respublikamizning deyarli barcha hududlarida korrupsiyaga qarshi kurashish boʻyicha ma’naviy-marifiy tadbirlar bo‘lib o‘tmoqda. Huddi shunday tadbirlardan biri  2024-yil 10-dekabr kuni О‘zbekiston xalqaro islom akademiyasi huzuridagi Malaka oshirish markazining Samarqand viloyati mintaqaviy filiali professor-о‘qituvchilari, xodimlari va tinglovchilari ishtirokida ham tashkil etildi.

Tadbirni mintaqaviy filiali “Ijtimoiy va mutaxassislik” fanlari kafedrasi mudiri, falsafa fanlari doktori, dots.  X.Djurakulov kirish sо‘zi bilan ochib, kun tartibidagi mavzu yuzasidan tо‘xtalib о‘tdi va tinglovchilarga tadbir ishtirokichlarini tanishtirdi.

Ma’naviy-ma’rifiy tadbir davomida taklif etilgan mehmon, huquqshunos Sh.O.Quvondiqov korrupsiyaga qarshi kurashishning huquqiy asoslari haqida о‘zining fikr-mulohazalarini bildirib, korrupsiyaning mamlakatimiz taraqqiyoti kushandasi ekanligini va unga qarshi kurashish barchaning vazifasi bо‘lishi kerakligini ta’kidlab о‘tdi.

Shundan so‘ng X.Djurakulov tadbirni davom ettirib, korrupsiyaga qarshi kurashish sohasidagi davlat siyosatining asosoiy yoʻnalishlari, xususan, aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish, davlat va jamiyat hayotining barcha sohalarida korrupsiyaning oldini olishga doir chora – tadbirlarni amalga oshirish, korrupsiyaga oid huquqbuzarliklarni oʻz vaqtida aniqlash, ularga chek qoʻyish, ularning oqibatlarini, ularga imkon beruvchi sabablar, shart – sharoitlarni bartaraf etish, korrupsiyaga oid huquqbuzarliklarni sodir etganlik uchun javobgarlikning muqarrarligi prinsipini ta’minlash va boshqalardan iborat ekanligini ta’kidlab, ularning bir nechtasini sanab oʻtdi.

Ma’naviy-ma’rifiy tadbir davomida tinglovchilar korrupsiya tushunchasi haqida о‘zlarini qiziqtirgan savollar bilan murojaat qildilar va korrupsiyaning kelib chiqishi, mazmun-mohiyati haqida о‘zlarining fikr-mulohazalarini bildirib о‘tdilar.