Imom Buxoriy xalqaro ilmiy-tadqiqot markazida davra suhbati

O‘zbekiston xalqaro islom akademiyasi huzuridagi Malaka oshirish markazi Samarqand viloyati mintaqaviy filiali 6-davra tinglovchilari bilan 2024-yil 1-may kuni tushdan keyingi tadbirlar rejasiga asosan Vazirlar Maxkamasi huzuridagi Imom Buxoriy xalqaro ilmiy-tadqiqot markazida davra suhbati tashkil etildi.

Tinglovchilar dastlab Imom Buxoriy xalqaro ilmiy-tadqiqot markazining me’moriy tuzilishi bilan bog‘liq ma’lumotlarni oldilar.

Tadbir davomida tinglovchilar markazda tashkil etilgan muzey bilan tanishdilar. Darhaqiqat, muzeyga kirgan kishi asl ilm manbaidan kuch olishi tabiiy, o‘zingizni ruhan poklangandek sezasiz. Muzey markaziga "Sahihi Buxoriy" kitobining qadimiy qo‘lyozma nusxasi va buyuk muhaddisning ayni paytda dunyoning turli mamlakatlarida saqlanayotgan noyob asarlarining nusxalari qo‘yilganligi odamni beixtiyor o‘ziga jalb qiladi.

Muzeyda barchani o‘ziga jalb qiladigan yana bir jihat shundaki, rassomlar tomonidan buyuk muhaddis Imom Buxoriyning xorijiy hadisshunos olimlar bilan savol va javoblari mohirona aks ettirilganligiga guvoh bo‘lish mumkin 

Tadbir davomida markazda allomalarning bebaho merosini o‘rganishda o‘ziga xos maktab yaratgan buyuk muhaddislar Imom Buxoriy, Imom Termiziy, ulug‘ faqihlar Burhoniddin Marg‘inoniy, Abullays Samarqandiy, kalom ilmining buyuk mutafakkirlari Abu Mansur Moturidiy, Abul Muin Nasafiy kabi ajdodlar boy merosini alohida-alohida o‘rganish va ilmning shu sohalari bo‘yicha mukammal bilimga ega bo‘lgan yetuk mutaxassislar tayyorlashni yo‘lga qo‘yish uchun barcha kerakli sharoitlar yaratilgan deydi O.Muhammadiyev. Bugungi kunda bu borada xorijdagi nufuzli xalqaro ilmiy markazlar, ta’lim muassasalari bilan doimiy ravishda hamkorlikda ish olib borilmoqda.

Tadbir davomida tinglovchilar kutubxonada mavjud imkoniyatlar va u yerda saqlanayotgan qoʻlyozmalar, elektron kataloglari hamda turli tillarda nashr etilgan kitoblar fondi bilan tanishdilar.

Reja bo’yicha Samarqand viloyati mintaqaviy filialida malaka oshirayotgan tinglovchilarni darsdan keyingi bo`sh vaqtlarini mazmunli o‘tkazish ishlari davom etmoqda.