Ajdodlar merosini o'rganish

O'zbekiston xalqaro islom akademiyasi huzuridagi  Malaka oshirish markazi Namangan viloyati mintaqaviy filiali III davra tinglovchilaridan ibroat imom xatib va noibilar hamda filial professor-o'qituvchilari tomonidan filialning yillik ish re'jasida belgilangan "Ajdodlar merosini o'rganish" dasturi asosida  bugun, 5 dekabr sanasida  Namangan viloyati Chortoq tumanida joylashgan "Sulton Uvays Qaroniy" majmuasiga ziyorat safari amalga oshirildi.  Ziyorat asnosida Sulton Uvays Qaroniy shaxsi hamda hurmatli Prezidentimiz tashabbusi bilan 2017-2019 yillarda yangidan bunyod etilgan majmua to'g'risida qimmatli ma'lumotlarga ega bo'lindi.  Safar so'ngida o'tganlar haqqiga hamda  yurtimizda tinchlik va farovonlikni bardavom bo'lishini Yaratgandan so'rab duoyi fotixa qilindi.