KASABA UYUSHMA QO‘MITASI A’ZOLARI UCHUN MALAKA OSHIRISH O’QUVLARI BOSHLANDI

     O‘zbekiston xalqaro islom akademiyasi kengashining 2023-yil 31-yanvardagi 5-son majlisida belgilangan qaror ijrosini ta’minlash maqsadida, O‘zbekiston xalqaro islom akademiyasi huzuridagi Malaka oshirish markazida 2023-yilning 8-aprel kuni Akademiya kasaba uyushma qo‘mitasi a’zolari uchun “Kasaba uyushma tashkiloti a’zolarining jamoa shartnomasi bilan ishlash ko’nikmasini rivojlantirish” yo‘nalishida 36 soatlik malaka oshirish o‘quvlari boshlandi. Unda Akademiya kasaba uyushma qo‘mitasi a’zolaridan iborat jami 9 nafar tinglovchilar ishtirok etmoqda.

Mazkur o‘quvlarga “Davlat muassasalari va jamoat xizmati” kasaba uyushmasi Toshkent shahar Kengashidan maxsus mutaxassislar va sohaga oid tajribali kadrlar jalb etilgan holda “Davlat muassasalarida ish yuritish hamda mehnat shartnomasi mazmuni”, “Mehnat intizomi: ichki mehnat tartibi qoidalari”, “Mehnat shartnomasi: taraflarining javobgarligi va mas’uliyati”, “Mehnat muhofazasi va ijtimoiy sug‘urta: ijtimoiy imtiyoz va kafolatlar”, “Yangi tahrirdagi “O‘zbekiston Respublikasi Mehnat kodeksi”da jamoa shartnomasi shakllantirish bo‘yicha yo’nalishlar”, “Yoshlar mehnati va ular uchun qo’shimcha imtiyoz va kafolatlar”, “Mehnat nizolarini hal etish tartib-qoidalari” hamda “Jamoa shartnomasi majburiyatlarining buzilishi yoki ularni bajarmaslik uchun javobgarlik” kabi mavzularda dars mashg’ulotlari olib borilmoqda.

Malaka oshirish o‘quvlari davom etmoqda.