“Sulton Uvays Qaroniy” ziyoratgohiga tashrifi haqida

O’zbekiston xalqaro islom akademiyasi huzuridagi Malaka oshirish markazi Namangan viloyati mintaqaviy filialida malaka oshirayotgan 
VI davra tinglovchilarining darsdan keyingi bo’sh vaqtlarini mazmunli o’tkazish maqsadida Namangan viloyati Chortoq tumanida joylashgan “Sulton Uvays Qaroniy” ziyoratgohiga tashrifi haqida 

M A’ L U M O T 

2023 yil 2-mart kuni Oʼzbekiston xalqaro islom akademiyasi huzuridagi Malaka oshirish markazi Namangan viloyati mintaqaviy filialida malaka oshirayotgan 
VI davra tinglovchilarining darsdan keyingi bo’sh vaqtlarini mazmunli hamda samarali o’tkazish va ularni Namangan viloyatining boy tarixiy merosi bilan tanishtirish maqsadida “Sulton Uvays Qaroniy” ziyorotgoh majmuasiga sayohat amalga oshirildi.

Uvays ibn Amir al-Qaroniy – islom tarixida hurmatli shaxslardan biri hisoblanadi. Uning Muhammad Payg‘ambar (s.a.v.) davrlarida yashab o‘tgani manbalarda keltirilgan. U islomni targ‘ib qilish borasida o’ziga xos shuxrat qozongan.

Uvays Qaroniyning umri va o‘limi ko‘plab afsonalarga sabab bo‘lgan. Musulmon olamida Qaroniy dafn etilgan bir necha joy mavjud. Shunday joylardan biri Namangan viloyatining Chortoq tumanida joylashgan.

So’ngi yillarda boy madaniy merosimizni qayta tiklash borisida olib borilayotgan ulkan ishlar doirasida Sulton Uvays Qaroniy maqbarasi to’liq qayta qurildi.

Muhtaram Prezidentimiz 2017-yil 7-iyul kuni Uvays Qaroniy ziyoratgohiga tashrif buyurganlaridan so’ng, ziyoratgohning 6 gektar maydonda obodonlashtirish va ko’kalamzorlashtirish ishlari amalga oshirildi.

Namangan viloyati Chortoq tumanidagi Sulton Uvays Qaroniy ziyoratgohida Qur’oni Karim mus’hafining noyob nusxalaridan biri saqlanadi. Mazkur mus’hafi sharif to’liq ipak matodan tayyorlangan bo’lib, u 1874 yilda yozib tugatilgan. Kitobning bo’yi 74 santimetr, eni 51 santimetr va qalinligi 12 santimetr bo’lib, jami 426 sahifadan iborat. Uning har bir sahifasiga 13 qatordan oyatlar yozilgan.

Qo’lyozma Mavlono Xoja Lutfulloh Chustiy xonaqohi va mozoriga daxldor hisoblanadi. U 1995 yilgacha Qirg’izistonning O’zgan shahrida, Toshkentda imomlik qilgan va yashagan Eshonxon Oqilov xonadonida saqlangan. 1995 yilda kitobni namanganlik Kamolxon Muhiddinov o’z yurtiga olib kelgan. 
2017-2019 yillarda, Sulton Uvays Qaroniy ziyoratgohi ta’mirlangandan so’ng qo’lyozma ushbu ziyorotgoh ixtiyoriga taqdim etilgan

.