“Olimlar – paygʼambarlarning merosxoʼrlari”

Oʼzbekiston xalqaro islom akademiyasi huzuridagi Malaka oshirish markazi Samarqand viloyati mintaqaviy filiali tinglovchilari hamda professor-o`qituvchilari ishtirokida 2022 yil 14-dekabr  kuni Hadis ilmi oliy maktabi ustozi Fazilatli Shayx Jamoliddin Hoshim hazratlari bilan “Olimlar – paygʼambarlarning merosxoʼrlari” mavzusida bo`lib o`tgan davra suhbati  to`g`risida

MA`LUMOT. 

Maʼlumki, yoshlarning taʼlim-tarbiya jarayonida shu ishga masʼul boʼlgan mutaxassis kadrlarning malakasini oshirish, ularni qoʼshimcha oʼquv kurslariga jalb etish masalasi muhim ahamiyat kasb etadi. Sababi, jadal suratda oʼzgarib borayotgan zamon shiddati, har bir kishidan davr bilan hamqadam va hamnafas boʼlishni talab etadi. 

Shu ma’noda Oʼzbekiston xalqaro islom akademiyasi huzuridagi Malaka oshirish markazi Samarqand viloyati mintaqaviy filiali va Hadis ilmi oliy maktabi bilan hamkorlikda bu borada muntazam ma’naviy-ma’rifiy tadbirlar olib boriladi.

Xususan, 2022 yil 14-dakabr kuni Hadis ilmi oliy maktabida “Olimlar – paygʼambarlarning merosxoʼrlari” mavzusida davra suhbati boʼlib oʼtdi. Unda hadis ilmi oliy maktabining oʼqituvchilari – fazilatli shayx, ustoz Muhammad Jamoliddin Hoshimiy va Mahmudjon domla Аbdurahmonovlar Oʼzbekiston xalqaro islom akademiyasi huzuridagi Malaka oshirish markazi Samarqand viloyati mintaqaviy filiali tinglovchilari – imom-xatiblar bilan qiziqarli davra suhbati olib borildi. 

Kirish so`zini Hadis ilmi oliy maktabi kafedrasi mudiri Maxmud Abduraxmonov ochib berdi.

Fazilatli Shayx Jamoliddin Hoshim hazratlari “Olimlar – paygʼambarlarning merosxoʼrlari” mavzusi bo`yicha ma`ruza qildilar.

O`tkazilgan davra suhbatida tinglovchilar davra suhbatini katta qiziqish bilan tingladilar. Tinglovchilar o`zlarini qiziqtirgan savollarni berdilar va batafsil javoblar oldilar.

 Davra suhbati so`ngida tinglovchilar  Fazilatli Shayx Jamoliddin Hoshim hazratlari bilan esdalik uchun sur`atga tushdilar.