“Korrupсiya jamiyat rivojlanishiga toʼsiq boʼluvchi illat” mavzusidagi maʼnaviy-maʼrifiy tadbir

Korrupsiya dunyo miqyosidagi global muammolardan biridir. Ushbu illat har qanday davlat va jamiyatning siyosiy, ijtimoiy-iqtisodiy rivojlanishiga jiddiy putur yetkazadi, inson huquq va erkinliklarining poymol bo‘lishiga olib keladi. Shu bois unga qarshi kurash xalqaro ahamiyat kasb etib, dolzarb masalalar qatoridan o‘rin egallagan. Ta’kidlanganidek, hozirda ko‘plab davlatlarda terrorizm, ayirmachilik, separatizm, uyushgan jinoyatchilik, shu jumladan, korrupsiya avj olayotgani dunyo jamoatchiligini tashvishga solmoqda. Ana shunday bir sharoitda mansabdor shaxslarning jinoyatchilar bilan til biriktirishi natijasida jamiyat siyosiy va iqtisodiy inqirozga yuz tutishi mumkinligi korrupsiyaning ijtimoiy xavfi nechog‘li yuqori ekanligidan dalolat beradi.

Mintaqaviy filialda  “Korrupсiya jamiyat rivojlanishiga toʼsiq boʼluvchi illat” shiori ostida maʼnaviy-maʼrifiy tadbir boʼlib oʼtdi. Tadbirda Qoraqalpog’iston Respublikasi Prokuraturasi xodimi Xojambergenov Tursinbay Tolibaevich korrupsiyaning oldini olish, korrupciya dunyo miqyosida hal etilishi lozim bo‘lgan global muammolardan biri ekanligini ta`kidladi. Ushbu illat har qanday davlat va jamiyatning siyosiy-iqtisodiy rivojlanishiga jiddiy putur yetkazishligi, inson huquq va erkinliklarining poymol bo‘lishiga olib kelishligi va shu bois unga qarshi kurash xalqaro ahamiyat kasb etib, jahon siyosatining muhim masalalari qatoridan joy olganligi to'g'risida aytib o’tti. 

Tadbir davomida mintaqaviy filialning docent,  falsafa fanlari nomzodi J.Sagindikov o'z fikr-mulohazalarini bildirdi. U o’z so’zida korrupciya bu – har qanday jamiyatning rivojlanishiga salbiy ta'sir ko'rsatuvchi illatlardan biridir. Shu bois, mamlakatimizda korrupsiya bilan bog'liq muammolarni bartaraf etish va unga qarshi keskin kurashishga alohida e'tibor qaratilganligi haqida tushuntirip o’tti.

Shuningdek, tadbir davomida tadbir qatnashchilari  savol-javoblar ruhida, fikr-mulohazalarga boy bo'ldi va tinlovchilar o'zlarini qiziqtirgan savollarga javob olishdi.